-Almmuhus-
-Almmuhus-
OĐĐASAT Ávžžu­hit mánáid vázzit dahje sihkke­lastit skuvlii

Ávžžu­hit mánáid vázzit dahje sihkke­lastit skuvlii

-

-

Dal rahpasit skuvllat, ja máŋga duhát máná máhccet ruovttoluotta skuvllaide. Váhnemat váivašuvvet koronadávdda njoammumin, ja háliidit ieža doalvut mánáid skuvlii. 

Trygg Trafikk gal ávžžuha váhnemiid diktit mánáid vázzit dahje sihkkelastit skuvlii vai skuvlamátki šaddá oadjebassan buohkaide.

– Váikko váhnemat dolvot mánáid buori ulbmilin, de šaddá váttisvuohtan go beare olu biillat čoahkkanit skuvllaid lusa oktanaga. Buohtastahttit skuvlaálgimiin borgemánus, de sáhttá šaddat oalle moivi ja várálaš skuvllaid luhtte ja luottaid alde, lohká Trygg Trafikk oahpahushoavda  Ragnhild Meisfjord preassadieđáhusas. 

Meisfjord muitala maid ahte jus váhnemat válljejit doalvut mánáid  gitta skuvlla uvssaid rádjai, de lea bahá ahte šaddá hušša ja várálaš dilli. Skuvlamátki šattašii eambbo oadjebas jus mánát vázzet dahje sihkkelastet skuvlii. 

Oahppodirektoráhtta lea čielggas dainna ahte jus oahppit fertejit čuovvut skuvlabusse, de fertejit doallat ávžžuhuvvon gaskka. Dat guoská sihke go leat vuordime busse, busse siste ja jus eará johtolatfievrruid geavahit. 

Dat lea suohkaniid ja fylkkasuohkaniid ovddasvástádus láhčit oadjebas skuvlasáhtu ja ahte gáibádusat dollejuvvojit. 

- Advertisement -
-Almmuhus-