– Lean ilus ja rámis go beasan leat mielde dán deaivvadeamis dán jagi. Foruma lea dehálaš eamiálbmotáššiid čalmmustahttimis, ja dán jagi lea ON eamiálbmotjulggaštusas logi jagi ávvudeapmi, lohká stáhtačálli Anne Karin Olli.
– Lean ilus ja rámis go beasan leat mielde dán deaivvadeamis dán jagi. Foruma lea dehálaš eamiálbmotáššiid čalmmustahttimis, ja dán jagi lea ON eamiálbmotjulggaštusas logi jagi ávvudeapmi, lohká stáhtačálli Anne Karin Olli.
Mánnodaga ja disdaga lea Anne Karin Olli láidesteame Norgga delegašuvnna ON álgoálbmogiid bissovaš forumis (UNPFII).
Dán jagi lea logi jagi áigi go ON eamiálbmotjulggaštus dahje UNDRIP dohkkehuvvui, dan ávvudit New Yorkas dál go foruma čoahkkimat álget odne.
– Eamiálbmogat lea ollu sajiin máilmmis birzzehuvvon joavkkut servvodagas. Eamiálbmogiid dohkkeheapmi ON-dokumeanttas lea dehálaš reaidu nannet eamiálbmogiid dili, lohká Olli preassadieđahusa bokte.
16. geardde lágiduvvo
ON bissovaš foruma eamiálbmotgažaldat lea ráđđeaddi orgána ON ekonomalaš ja sosiála ráđis (ECOSOC) ja buktá rávvagiid ja ávžžuhusaid áššiin mat gusket máilmmi eamiálbmogiid ekonomalaš, sosiála ovdaneami, kultuvrra, oahpahusa, dearvvašvuođa ja olmmošrivttiid beliide.
Norga lei aktiivvalaččat mielde ásaheame eamiálbmotforuma, ja ovddeš samediggepresideanta Ole Henrik Magga lei foruma vuosttaš ovdaolmmoš.
Dán jagi lea 16. geardi go forum čoahkkana, odne álgá foruma čoahkkin ON váldoguovddážis New Yorkas.
Fáddán dán jagi lea geahčadit mii lea dahkkon implementeren dihte ON eamiálbmotjulggaštusa lágaide.
Dáppe gávnnat dán jagi áššelistu.
