Geassái lea Riddu Riđđu 25 jagi doaibman ja festivála lohpida albmaládje ávvudit.
Geassái lea Riddu Riđđu 25 jagi doaibman ja festivála lohpida albmaládje ávvudit.
Sámi artista Sofia Jannok lea ealáskahttán árbevirolaš musihkkavuogi mas lea luohti ja ođđaáigásaš jietnagovva. Son seaguha luohtái elektronika, jazz ja álbmotmusihka, ja ivdne daid čábbámus árktalaš jietnaduoddariid, čállá Riddu Riđđu preassadieđáhusas. Giđđii almmuha skearru, ja lávlla «Snölejoninna» (davvisámegillii nieidamuohtaledjon) mii almmuhuvvui dán jagi Sámi álbmotbeaivvi lea šaddan maid olbmuide guldalanvearan.
Illudit eanemus Riddui
– Mun ráhkistan Riddu Riđu! Munnje ja mu jovkui lea dát masa illudit eanemusat boahtte geasi. Go mun in beasa leat mielde miessemearkumis, de čájeha man árvvus lea festivála munnje, muitala Sofia Jannok.
GEAHČA: Sofia Jannok – Snölejoninna(2015):
Duostilis jálluvuohta
Sondre Justad šattai jođánit dovddusin 2013 geasi, ja illuda čuojahit Riddu Riđus. Festiválajođiheaddji Karoline Trollvik muitala Sondres lea movttegis musihkka mas ollu energiija lea.
– Lea nu movt Riddu Riđđu dovdá iežas dál – virkus 25-jahkásaš mas ollu duostilis jálluvuohta lea, dadjá Trollvik.
Sondre Justad – Det e over (2015):
Politihkalaččat
Goappaš artisttat leaba čájehan politihkalaš beroštumi, ja nu heive bures festivála profiilii bures. Jannok lea áŋgiruššan eamiálbmotrivttiid ovddas ja vuostálastán ruvkke álggahemiid sámeguovllus Davvi-Ruoŧas.
Justad lea máŋgii hupman oljobohkamiid vuostá mat lea Davvi-Norgga riddoguovlluin.
– Mii leat hui giitevaččat go dát nuorra artisttat bajidit jiena lokten dihte dáid dehálaš áššiid maid mii diehtit leat uhkádussan álgoálbmogiid árbevirolaš eallinvuohkái.
Riddu Riđđu lágiduvvo suoidnemánu 13.-17. beivviid 2016.
