Asbjørn Sandøy ii loga iežas goassege oaivvildan ahte Deanu gákti lea romes gákti.
Árabut dán vahkku lei Ávviris ášši Álttá goahka, Asbjørn Sandøy birra dan oktavuođas go son galgá TVs málestit sámi biepmuid sámi álbmotbeaivvi. Áššis muitala Sandøy maid iežas sámi duogáža birra.
Áššis lea sitáhta maid Sandøy ii mieđit iežas dadjan jearahallama oktavuođas ja maid lohká leaikkastallmin dadjan. Sitáhta lei ná: ‹Dat gal lea hui somá leat sápmelaš, dušše vahát go lean Deanus eret – doppe lea nu romes gákti« árvala Sandøy mojunjálmmiid.
Sandøy deattuha ahte son ii l leat oaivvildan ahte Deanu gákti lea ropmi. Sandøy lohká ahte ságastallamis, maid son ii oaidnán oassin jearahallamis, son leaikkastalai dán birra, muhto čilgii maid ahte su mielas lea Deanu gákti eaŋkalis gákti mas eai leat nu olu hearvvat, muhto dát oassi ii leat váldon mielde áššái.
– Mun anán buot guovlluid gávttiid ja obbalaččat našuálabiktasiid hui árvvus, inge leat goassege duođas romášan dahje hejošan guđege guovllu álbmotbiktasa. deattuha Sandøy,
Sandøy ii lean ovdal go ášši almmuhuvvui bivdán lohkat iežas sitáhtaid, iige dohkkehan daid ovdal go ášši almmuhuvvui.
Ávvir šálloša.