-Almmuhus-
ÁVVIR CUP 2019 Ávvir Cup sáhtát čuovvut vaikko gos máilmmis

Ávvir Cup sáhtát čuovvut vaikko gos máilmmis

-

-

Skábmamánu lágida Guovdageainnu falástallansearvi Ávvir Cup Guovdageainnus.  

Svein Ole Sandvik Guovdageainnu valástallansearvvis dadjá ahte su mielas gal lea buorre go lea šaddan ovttasbargu.

Válljejedje Ávvira nama

– Válljiimet dan dihte go adde eanemus ja váldet ollu barggu, barget dan barggu maid mii eat dárbbaš bargat. Juo, lei nubbi maid, Ávvira ja 3net ovttasbargu, ja soabadedje hui bures, muitala Sandvik.

Earálágan čiekčanvuohki

Svein Ole Sandvik dadjá ahte áidna erohus lea čiekčanvuohki. Mannan háve go jearaimet seamma gažaldaga, de dajai dán:

– Čiekčamat galget earáláganat, NilutCupas lei futsalčiekčan, muhto mii čiekčat dábálaš five-a-side, nu go eli dalle go Nilut Cupa álggii. Galgá dábálaš spábbačiekčan, dadjá Sandvik.

Áigi dieđihit joavkku

Svein Ole Sandvik dadjá ahte dál galget olbmot dieđihišgoahtit joavkkuid gilvui. 

Dieđuid dieđiheami birra gávnnat Ávvir Cup doaluin Facebookas. Dieđihanáigemearri lea skábmamánu 1. beaivvi ja máksá 1500 ruvnnu dieđihit joavkku mielde gilvui.

Vuoittut leat nu go leat Nilut Cupas leamašan, 10 000 ruvnnu , 5000 ruvnnu ja 3000 ruvnnu.

Háliidit joatkit čiekčanvahkkoloahpain

Per Christian Biti Ávviris dadjá ahte Ávvir lea váldosponsor oktan 3netiin.

– Mii leat mearridan leat váldosponsorin vai gohčoduvvo Ávvir Cup. Ávvir háliida čájehit doarjaga báikkálaš valáštallanservviide, vai dákkár doalut lágiduvvojit ja ahte mii boahtit oidnosii, dadjá Biti.

Son dadjá ahte háliidit joatkit spábbačiekčanvahkkoloahpain.

– Ávvir Cup lea Nilut Cupa maŋisboahtti, mii lei háhkan buorre beaggima.  Mii áigut joatkit dainna vahkkoloahpain mii lea árbevierru ja sávvat mii leat mielde ráhkadeame beaggima ođđa cupa birra, dadjá Biti.

– Olles cupa galgá streamejuvvot, lohká Biti.

– Mii searvvaimet dása go háliidit leat mielde čalmmustahttiime positiiva báikkálaš doaluid, nugo dákkár valáštallandoalut leat. Valáštallandoalut buktet movtta ja ássanmovtta sihke sidjiide geat servet,  muhto maiddái gehččiide. Mii háliidit maid ahte spábbačiekčanberošteaddjit gos ihkinassii orrot galget beassat čuovvut doaluid, ja leat mearridan streamet buot čiekčamiid olles vahkkoloahpa, lasiha vel Ávvira váldodoaimmaheaddji Kari Lisbeth Hermansen.

- Advertisement -
-Almmuhus-