Almmái Álttás, gii váldui gitta maŋŋebárgga čuovganeamis, lea áššáiduhtton geahččalan goddit nuppi albmá.
– Gillájeaddji čuohpahuvvui máŋgii, muhto ii lean heakkaváralaš. Sihke áššáiduhtton ja illástuvvon olmmoš leaba gažaduvvon ja nu go lea boahtán ovdan, de lea áššáiduhttin rievdan. Dál lea áššáiduhtton geahččalan goddit nuppi olbmo, dieđiha politiijaadvokáhtta Therese Hofrenning preassadieđáhusas.
Dál dáhttot politiijat ahte dievdu biddjo njealji vahkkui háldogiddagassii.
– Mii dáhttut su háldogiddagassii njealji vahkkui oktan reive- ja guossástallangildosiin gitta guovtti vahkkui, lohká Hofrenning.
Áššáskuhttineiseváldi ballá duođaštusaid jávkat dahje billahuvvat, ja ahte vearredahku sáhttá geardduhuvvot, dieđihit Finnmárkku politiijat.
Politiija oaččui dieđu dáhpáhusa birra diibmu 00.50 maŋŋebárgga čuovganeamis. Dáhpáhus lei priváhta čujuhusas Álttás. Goappašagat geat leaba seaguhuvvon leaba 20-jahkásaš dievddut.
(©NTB)
