Jagi 2023 mielde divro ásodathattit Norggas 0,5 proseanttain. Muhto go haddegoargŋun lea badjin muđui servodagas, de mearkkaša dat maiddái dan ahte viessohattit leat njiedjan.
Ásodagat hálbo 0,9 proseanttain skábmamánus juovlamánnui, čájehit Eiendom Norge logut. Go buohtastahttá áigodatrievdamiiguin, de divro ásodagat 0,2 proseanttain.
– Konsumhaddegoargŋun jagi 2023:s lea gaskal 4 ja 5 proseantta, ja dat mearkkaša ahte visttit leat hálbon, cealká Eiendom Norge hálddahusdirektevra Henning Lauridsen preassadieđáhusas.
Máŋga analytihkkára čujuhit maiddái dasa.
– Go buohtastahttá obbalaš haddedásiin, de lea haddegoargŋun sullii nulla ásodagain, dadjá Sparebank 1 SR-Báŋku váldoekonoma Kyrre M. Knudsen NTB:i.
SSB geavahushaddeindeaksa čájeha 4,8 proseantta haddegoargŋuma skábmamánus 2022 skábmamánnui 2023. Bálkalassáneapmi lei maiddái badjelaš 0,5 proseantta.
