Dárbbut dustet boahtteáigge dearvvašvuođahástalusaid lea duohtavuohtan juo ja šaddá ain duođaleabbo birra buot gielddain ja Fylkkain Norggas.
Vásihat ahte demeansabuohccit minge gielddas ja kránnjágielddain, geat dárbbašit institušuvdnasaji, lassánit oktan boarrásiiguin! Bálvalusat gielddain dán guovtti joavkkuide eai leat dievaslaččat gostige?
Mii sáhtášii de dahkkot vai dustet ja čoavdimis leat dát hástalusat?
Kárášjoga gielddas mearridan leat hukset boahtte áigodagas sihke ođđa skuvla- ja dearvvašvuođaguovddáža. Huksemin leat juo čáskkadanvehkii ođđa čáskadanstašuvnna. Golut dahje loanat maid šaddat váldit dáid huksemiidda jukset fargga 700 miljovnna Nkr! Oassin dearvvašvuođaguovddáža huksemis oažžu gielda váile beali refušuvdnan, mearkkaša ahte váile bealli máksojuvvo ruovttoluotta stáhtas!
Sámi našunála dearvvašvuođa gealboguovddáža demeansabuhcciide
Dálá dearvvašvuođaguovddáža ávkkástallat našunála gealboguovddážin demeansabuhcciide ja boarrásiidda. Guovddážis máhtášii leat, ja gáibádussan lea, ovddidit gelbbolašvuođa loktema, fágaovddideame rasttildeaddji fágasurggiin, dásiin ja sektoriin!
Dán lea vejolaš fidnet duohtavuohtan go áigumušain barggadišgoahtá áiggil!
Dearvvašvuođaguovddáža ferte divodit ja ođasmahttit dán atnui. Sihke golut ja plánemat dahkkojuvvošit de ovttas stáhtain!
Servvodahkii vuoitun
Ásaheames dán fálaldaga daguhivčče stuorra ruhtaseastimiid servvodahkii go oapmahaččat geat dikšut ja fuolahit demeansabuhcciid ruovttuin de sáhttet iežaset doaimmaid ja bargguid álkibut fas doaimmahit. Diehtit mo hástaleaddji dilli lea dálostallat ja fuolahit demeansabuhcciid. Bahámus muddui oapmahaččat buohccin dieđihuvvojit go lossat šaddá divššodit ruovttus sin!
Jávkamat barggus ja buohccindieđihuvvot dán geažil lea stuorra gollun servvodahkii.
Fidnet dán fálaldaga Kárášjohkii gos jo našunála sámi dearvvašvuođabálvalusat leat juo, doaivumis álkidahtášii barggu!
Eaktodáhtolaš bargguid árvu Norggas, maid dušše fal pensionisttat dahke ja gos oapmahaččat eai leat váldojuvvon mielde! 2019 ruvdnosaš árvvuin, lei sullii 19 miljárdda NKR! Dat boahtá lassánit. Dieđut vižžon frivillighetnorge.no.
Jurdda ja vejolašvuođat leat juhkkojuvvon. Váldo dán lohkkiidreivves lea juogadit vejolašvuođaid álkidahttit dálostallat bearrašiin geain ovddasvástádus demeansabuhcciide ja boarrásiidda. Ávkkástallat dearvvašvuođaguovddáža demeansabuhcciide go ođđa dearvvašvuođaguovddáš gárvána. Ávkin servvodahkii!
