Ráđđehusa áigumuš lea ásahit ođđa oahpposajiid dearvvašvuođa-, teknologiija- ja birassuorggis.
Ráđđehus evttoha 2020 stáhtabušeahtas ásahit sullii 250 ođđa oahpposaji.
– Mii diehtit ahte dárbbašit ain eambbo bargiid dearvvašvuođa- ja fuolahussuorggis, ja doarvái gelbbolašvuođa teknologiija ja ruoná molsašumi surggiin. Danne áigut mii juohkit 75 saji dearvvašvuođa- ja sosiálafágii, mas buhcciiddikšu deattuhuvvo. Juohkit maiddái 70 saji teknologiijii ja fágaide mat gusket ruoná molsašupmái. Dasa lassin galget birrasii čuođi oahpposaji geavahuvvot heivehanmunát ja gáiddus oahppofálaldagaide olggobealde stuorra gávpogiid, dadjá dutkan- ja alitoahppoministtar Iselin Nybø, ráđđehusa preassadieđáhusas.
