Finnmárkkuopmodaga stivra háliida ođđasit árvvoštallat 5-kilometerávadagas ođđasit álggaheami FeFo-eatnamiin.
5-kilomehterávadat álggahuvvui 1970-logu álggus, ja 1992:s mearridii dalá Finnmárkku eananvuovdinstivra joatkit dan.
Ortnet loahpahuvvui go Finnmárkkuláhka bođii fápmui.
Ovttajienalaš stivra
Ovttajienalaš stivra bivddii maŋemus stivračoahkkimis direktevrra ráhkkanahttit ášši stivrii man áigumuššan lea álggahit 5-kilomehterávadaga ođđasit. Ášši galgá sáddejuvvot gulaskuddamii.
– Dat lea ášši mas oallugat Finnmárkkus beroštit, ja mii háliidit oažžut loahpalaš čielggadeami, lohká stivrajođiheaddji Raymond Robertsen.
Stivra bivdá direktevrra bidjat ovdan gaskaboddosaš árvvoštallama maŋemus stivračoahkkimis 2017:s.
