Šuokŋadahkki ja buvttadeaddji Frode Fjellheim lea nominerejuvvon internašunála animašuvdnabálkkašupmái.
Dán bálkkašumi juolluda International Animated Film Association Los Angelesas juohke jagi.
Šuokŋadahkki ja buvttadeaddji Frode Fjellheim lea nominerejuvvon Annie Awardsii, mii lea animašuvdna bálkkašupmi maid International Animated Film Association Los Angelesas juolluda juohke jagi.
Dán jagi lea Jikŋon 2-filmma musihkka nominerejuvvon, ja sii geat ráhkadedje dan. Sii geat ráhkadedje musihka leat Frode Fjellheim, Christophe Beck, Kristen Anderson-Lopez ja Robert Lopez.
Bálkkašumi ulbmil lea čalmmustahttit animašuvdnafilmmaid buvttademiid.
