Stivrajođiheaddji ii leat addán miellahttolisttu stivraláhttuide geat galggaiga gohččut jahkečoahkkimii, dál cealká stivrajođiheaddji áigut árvalit heaittihit olles riddoakšuvnna.
Stivrajođiheaddji ii leat addán miellahttolisttu stivraláhttuide geat galggaiga gohččut jahkečoahkkimii, dál cealká stivrajođiheaddji áigut árvalit heaittihit olles riddoakšuvnna.
Riddoakšuvnna doaibma čalmmustahttit riddoguovlluid vuoigatvuođaid báikkálaš mearrabirrasa riggodahkii soaitá nohkat.
Váilevaš miellahttolistu bisseha
Njukčamánus geassádedje buot Bargiidbellodaga áirasat Riddoakšuvnnas ja dušše guovttis báziiga stivrii.
– Mannan stivračoahkkimis šiehtaimet ahte mun ja Kristin Mørch gohččo jahkečoahkkimii, muitala stivraláhttu Tore-Jan Gjerpe NRK Finnmárkui.
Muhto dán eaba leat beassan dahkat go eaba oaččo miellahttolisttu stivrajođiheaddjis.
Árvala loahpahit riddoakšuvnna
Stivrajođiheaddji Trond Einar Olaussen vástida NRK:i e-poasttas ahte lea vuordán rehketdoalu dárkkisteami, muhto ahte dál bovde jahkečoahkkimii.
– Áiggun árvalit heaittihit riddoakšuvnna, čállá son.
Olaussen lea áigá čilgen ahte ii dáhto joatkit stivrajođiheaddjin.
– Go árvaluvvojin Gáŋgaviika Bargiidbellodaga sátnejođiheaddjievttohussan, de dieđihin ahte ii heive šat joatkit akšuvdnajoavkkus, logai son njukčamánus.
