Čájáhusas oainnát iešguđetlágan bargguid maid prošeavtta oktavuođas leat čađahan Deanu joatkkaskuvllas mannan skuvlajagi.
Duorastaga dán vahkku rahpet čájáhusa árbedieđu birra Deanu joatkkaskuvllas.
Čájáhusas oainnát iešguđetlágan bargguid maid prošeavtta oktavuođas leat čađahan Deanu joatkkaskuvllas mannan skuvlajagi.
Prošeavttas leat bargan earret eará sámi máhtolašvuođain eanandoalus ja meahcástemiin.
Čájáhus lea Deanu ráđđevisttis gielddastivrasálas.
Dat lea rektor Eva Britt Birkenes gii rahpa čájáhusa ja prográmma bistá olles beaivvi.
Guokte sámi mánáigárddi ja Sámeskuvla leat oasálasttán Árbedieđu prošeavttas mannan čavčča rájes.
Rahpandoalus lea maid vejolašvuohta geahččat filmmaid Stuorravuona sávzadoalu ja Hillágura šibitdoalu birra.
Sávzadoalli Bertil Berggain ja boanda Ottar Wigeliusain ságastallaba gehččiiguin šibitdoalu birra.
Muđui čájehit dán beaivvi filmmaid sámi dolastallankultuvrras ja muđui das maid vássanjagi leat govven ja čađahan, nu čállet lágideaddjit preassadieđáhusas.
