Áŋgiris guollebivdi Max Ailo Gaino sáddii mannan vahkku gova Ávvirii go lei goddán dorski Vuotnabađas, ja dainna govain son vuittii oaggunstávrrá.
10-jahkásaš Max Ailo lei aitto lihkkan go Ávvir riŋgii muitalit ahte lea vuoitán oaggunstávrrá Ávvira guollelihkku gilvvus. Juste dál son lea muoŧá galledeame Dálbmeluovttas.
– Lean go?, jearrala Max Ailo go gulai ahte lea vuoitán oaggunstávrrá.
Max Ailo lea áŋgiris guollebivdi ja lea ožžon ollu guliid dán geasi. Son lohká muhtomin oaggut Dálbmeluovttas, dávjá oaggu Álttás ja Guovdageainnus.
– Ledjen ikte oaggume dáppe.
– Oaggut goit meinen
Max Ailos lea geasseluopmu dál. Son lei aitto lihkkan, ja lohká iežas gohccit guhká go lea luopmu. Su mielas lea somá go lea geasseluopmu, vaikko eai leat dattetge nu ollu plánat.
– Mun in dieđe maid mun meinen geasseluomus, muhto oaggut mun goit meinen, dadjá Max Ailo Gaino.
Go Ávvir jearrá meine go joatkit searvat Ávvira guollelihkku gilvui, de son bohkosa ja dadjala:
– Jåjjåjå.
