Finnmárkokommišuvnna vuosttaš oasseraporta Kárášjoga eatnamiin ja čáziin almmuhuvvo fargga.
Finnmárkokommišuvdna almmuha gaskavahku juovlamánu 11. beaivvi vuosttaš oasseraportta konklušuvnnaiguin 4. čielggadanguovllu Kárášjoga geavahan- ja eaiggáduššanvuoigatvuođaid birra dás kommišuvnna neahttasiiddus.
Oasseraporta lea 43 oktasaš ja ovttaskas vuoigatvuođadieđáhusa/ášši birra, čállá Finnmárkokommišuvdna preassadieđáhusastis.
Ii leat gárvvis
– Kommišuvdna almmuha maŋŋá sierra oasseraportta 30 boazodoalu siskkáldas vuoigatvuođadieđáhusa/ášši birra. Dát raporta ii leat gárvvis, ja dieđihit maŋŋá goas raporta almmuhuvvo, čallá Finnmárkokommišuvdna.
Kommišuvdna lea ovdal almmuhan vihtta raportta:
1. guovlu Stierdná/Sievju
2. guovlu Unjárga
3. guovlu Sállan
5. guovlu Nuorta Várnjárga
6. guovlu Oarje-Várnjárga
