Sámi Árvvut searvi Suomas lea ráhkadan kaleandara mas leat muitalusat, čuovgagovat, árbevirolaš dieđut elliid birra ja ollu eará.
Sámi Árvvut searvi Suomas lea ráhkadan kaleandara mas leat muitalusat, čuovgagovat, árbevirolaš dieđut elliid birra ja ollu eará.
Jagi 2018 sámi kaleandara fáddán leat eallit sámi kultuvrras.
Fárus lea geasuheaddji muitalus «Mot heavdni gájui sápmelaččaid», muitalus mot gáhkkora jienas sáhttá diehtit makkár dálki boahtá ja árbevirolaš dieđut maid máksá go eallit meannudit iešguđet ládje.
Sámi dieđut
Kaleandar lea A3 stuoru ja dat doallá sisttis čuovgagovaid, muitalusaid, árbevirolaš dieđuid elliid birra, diehtu elliid bessemis, daid guođđin luottain, bárbmolottiid muotkunáigedávvaliin ja luonddu molsašuddamis.
Leat 17 deakstasiiddu ja lea sihke davvisámegiel ja suomagiel deattus.
– Dát lea diehtobáhkka sámiid jahkodaga molsašuddamis ja elliin sámi kultuvrras. Kaleandarsiidduid lassin gávdno logahallan sámi nammavahkuin elliid mielde, elliid luottat ja diehtu elliid mearkkašumis sámi kultuvrra dáfus, čállá Sámi Árvvut searvi preassadieđáhusástis.
Ruhtadit bálkkašumi kaleandariin
Kaleandar lea dahkkon eaktodáhtolaš bargguin, ja kaleandarvuovdima sisaboahtu adnojuvvo Sámi árvvut –searvvi bargui, mii doarju sámi árbevirolaš dieđu suodjaleami.
– Vuovdinvuoittuin ruhtaduvvo sámi árbevirolaš dieđu bálkkašupmi. Kaleandar, mii lea prentejuvvon Suomas, skeŋkejuvvo sámi beaiveruovttuide ja giellabesiide, dieđiha Sámi Árvvut searvi.
