Uhcavuonas, Mátta-Várjjagis, heavvanii vuorrasat almmái bearjadaga maŋŋágaskabeaivvi.
Finnmárkku politiijat dieđihedje Twittera bokte dii.14:13 ahte veahkkebálvalusat ledje ožžon vuorjašuhtti dieđu muhtin olbmo birra gii lei vuodjan su fatnasa maŋis Uhcavuonas. Helikopter ja buokčit ledje mielde ohcamin 70 jahkásačča, operašuvnnas geavahuvvui čáhcedrona.
Almmái gávdnui vuonas ja buokčit vižže su botnis dii.15.57. Oapmahaččat ožžo dieđu ahte almmái lei gávdnon duššan.
Seamma beaivve duššai okta 67 jahkásaš almmái nuppebealde Várjjatvuona Ánnejogas, maŋŋel go gárttai biillain johkii.
