Finnmárkku politiijat leat áššáiduhttán bargi muhtin skuvllas Álttás, go navdet su seksuálalaččat unohasat láhtten ohppiid vuostá.
Finnmárkku politiijat leat áššáiduhttán bargi muhtin skuvllas Álttás, go navdet su seksuálalaččat unohasat láhtten ohppiid vuostá.
Politiijaid preassadieđáhusas čállet ahte eai dieđe lea go bargi rohcošan ohppiid vuostá dán skuvllas.
Fuolas
Politiijat besse diehtit ášši birra go ožžo fuolastus-dieđu.
– Leat duoguštan dihtorusttegiid ja eará elektrovnnalaš rusttegiid, mat galget analyserejuvvot. Áššáiduhtton almmái lea čilgen politiijaide, ja vihtanat leat maid gažaduvvon. Politiijat eai dáhto muitalit eambbo das mii gažademiin lea boahtán ovdan, dieđiha Kenneth Nilsen, guhte lea oktasaš dutkamiid sekšuvdnajođiheaddji Finnmárkku politiijaguovllus.
Jorret ságat
Politiijat leat dieđihan skuvlla ohppiide áššáiduhttima birra, ja dihtet ahte jorret olu ságat.
– Lea dehálaš muitit ahte ii oktage leat vuos dubmehallan ja ahte lea menddo árrat dadjat mii áššis šaddá boađusin, dadjá Nilsen.
Politiijat dutket ášši dábálaš ládje.
