Chile vuođđolágaaddi čoakkálmas lea válljen mapuche eamiálbmot nissonolbmo sin presideantan.
58-jahkásaš Elisa Loncón lea válljejuvvon presideantan čoakkálmasa 96 jienain mas leat 155 miellahttu.
Čoakkálmas álggii sotnabeaivvi ođđa vuođđolágain, mii galgá buhtadit vuođđolága Pinochet-diktatuvrras, mii stivrii Chile 40 jagi.
– Mun giitán buohkaid geat leat jienastan mapuche ja nissona rievdadit dán riikka historjjá. Dát čoakkálmas galgá dahkat Chile máŋgganašuvnnalaš ja interkultuvrralaš riikan, dajai Loncón.
Diimmá Chile álbmot jienasteamis háliidii stuorra eanetlohku ođđa vuođđolága, ja miessemánus válljejuvvui čoakkálmas. Gurutbealli ja bealátkeahtes ožžo čielga eanetlogu.
(©NTB)
