Jon Henrik Fjällgren ja Aninia beasaiga njuolga Melodifestivalena 2017 finálii maŋŋel ivttá oassegilvvu, mii lágiduvvui Skiellehis, Ruoŧas.
Jon Henrik Fjällgren ja Aninia beasaiga njuolga Melodifestivalena 2017 finálii maŋŋel ivttá oassegilvvu, mii lágiduvvui Skiellehis, Ruoŧas.
Go álbmot lei jienastan de beasaiga Fjällgren ja Aninia finálii ovttas Wiktoriain. Ovdagihtii favorihtta Loreen ii beassan njuolga finalii, ja šaddá gilvalit «Andra chansen» gilvvus.
Nu eai doallange veahtinfitnodagaid einnosteamit jur justte deaivása.
Eai lean vuordámušat
Jon Henrik Fjällgren dajai SVT Sápmái maŋŋel ahte dovdu lea dego áiggošii čierrut ja boagustit oktanis, ja ledje ollu dovddut jođus. Fjällgren ii lean jáhkkan ná mannat.
– In jáhkkán masage, go ledje ollu garra gilvaleaddjit ja buohkat hui čeahpit, dajai son SVT Sápmái.
Guovttii vahkku geahčen, njukčamánu 11. beaivvi lágiduvvo Melodifestivalena finála Ruoŧa oaivegávpogis Stockholmas.
