Birasdirektoráhtta áigu heaittihit rievssatbivddu dálvet, dan sivas go áigot suddjet rievssatnáli.
Birasdirektoráhtta áigu heaittihit rievssatbivddu dálvet, dan sivas go áigot suddjet rievssatnáli.
Birasdirektoráhtta direktevra Ellen Hambro dadjá ahte vuollegis máddodagain šaddet gironat rašibut eará jámolašvuođa sivaide, dego ovdamearkka dihte bivdimii. Earret eará Statskog, Finnmárkkuopmodat, Norgga bivdin ja guolástansearvi ja eará searvvit vuosttildit evttohusa.
Ii dárbbašlaš
Finnmárkkuopmodaga direktevra Jan Olli oaivvilda alddiineaset buori vuođu hálddašit ja bisuhit Finnmárkku rievssatlogu, čállá VG áviisa.
– Dát lea gáržžideapmi maid ii leat dárbbašlaš čađahit. Mis lea buorre bearráigeahčču sihke rievssatnális ja bivddu badjel, dadjá Finnmárkkuopmodaga direktevra Jan Olli.
Birasdirektoráhtta lea evttohan ráfáidahttináiggi álgit juovlamánu 23.beaivvi boahtte jagi rájes, mii galgá doaibmat juohke jagi.
