Finnmárkku Fylkkasuohkan áigu iskat movt buoridit ássanmovtta olbmuin geat orrot giliin main lea luodda gitta geađgeuđđasa dihte.
Finnmárkku Fylkkasuohkan áigu iskat movt buoridit ássanmovtta olbmuin geat orrot giliin main lea luodda gitta geađgeuđđasa dihte.
Maŋŋel geađgeuđđasa Stuora Liidnavuonas Álttá suohkanis lohká kultuvra ja johtolaga váldolávdegotti jođiheaddji Geir Ove Bakken ahte lea dehálaš sihkkarastit olbmuid dárbbuid giliin geat dál eai beasa luotta mielde mátkkoštit uđđasa dihte. Bakken háliida vuolgit geahčadit uđasbáikki ja ságastallat guovllu ássiiguin.
– Finnmárkku fylkkasuohkanii lea dehálaš sihkkarastit guovllu ja leat gozihan vári gos lea uđasvárra, muhto lea leamaš beare divrras sihkkarastit albma ládje stádalaš ruhtadeami ektui, muitala Bakken.
Fievrredit biillaid fatnasiin
Luodda lea giddejuvvon guovtti mánnui ja dál lea biddjon fanasruvttu mii doaibmá nu guhká go luodda lea gitta. Lea maid plánas fievrredit biillaid eret giliin fatnasiin, nuppe beallai uđasbáikki boahtte vahkku.
Finnmárkku fylkkasuohkan ovttasbargá Álttá suohkaniin, guovllu olbmuiguin, Stáda geaidnodoaimmahagain ja Borealain gávdnat čovdosiid.
LOGA MAID: Giddejuvvo guovtti mánnui
