Boahtte vahkku bohtet duháhiid mielde máná ruovttoluotta skuvlii. Dáhkádusfitnodat Fremtind áigu bálkkašit biilavuddjiid geat dollet leahttoráji gili siste, vai skuvlamánáin lea dorvvolaš skuvlageaidnu.
– Dál hedii álget skuvllat ja mii meinet veahkehit nu ahte šaddá dorvvolaš skuvlageaidnu buot mánáide, earenoamážit nuoramusaide geat eai leat hárjánan johtalussii. Lea dábálaš ahte skuvllaid buohta lea leahttorádji 30 km/dii dahje 50 km/dii. Mii háliidit bálkkašit biilavuddjiid geat dollet leahttoráji 50 km/dii dahje vuolit leahtu olles mánu dan rájes skuvla álgá, lohká Fremtind innovašuvnna jođiheaddji, Svein Skovly.
Hástalus dáhpáhuvvá dáhkádusfitnodaga ođđaseamos jierbmámuš biiladáhkádusas ja áppas Smartbil. Biilavuoddjit ožžot čuoggáid go eai čuokko telefovnna vuojedettiin. Čuoggáid sáhttá lonistit máŋga oahpes rámbuvrra skeaŋkagoarttaide. Dál sáhttet vuoddjit maid bálkkašuvvot go dollet leahttoráji.
– Oktan ávvirmeahttunvuođain, nu go telefovdnageavaheapmi, de lea leahttu okta dain stuorámus sivain stuorát ja unnit johtolatlihkohisvuođaide. Skuvlaálggaheamis, go mánát vázzet skuvlii ja rasttildit luottaid, de lea buorre dilálašvuohta oažžut vuddjiid fuomášuhttit makkár leahtuin vudjet, lohká Skovly.
Fremtind lea válljen váldit mielde vuodjima lávvordagaid ja sotnabeivviid maid, vaikko ii leat skuvla vahkkoloahpaid.
– Leahttorádji ii rievdda vahkkoloahpaid, ja lea dehálaš jurddašit leahttoráji birra álohii, lohká Skovly.
Dát leahttohástalus álgá mánnodaga borgemánu 17. beaivvi gitta sotnabeaivái čakčamánu 13. beaivái.
– Don mearridat ieš geavahat go áppa, ja sii geat geavahit, ožžot vejolašvuođa oažžut bálkkašumi. Sii eai manat maide ja šaddet, nu go buot biiladáhkádusain, de eai ráŋggaštuvvo jus eai oaččo čuoggáid. Vuodjindieđut eai geavahuvvo jus leat makkárge eará bárttit, lohká Skovly.
