Unjárgalaš Agnete Johnsen ii dattege sáhte Markomeannui boahtit čuojahit. Ággan leat persovnnalaš áššiid dihte.
Unjárgalaš Agnete Johnsen ii dattege sáhte Markomeannui boahtit čuojahit. Ággan leat persovnnalaš áššiid dihte.
Unjárgalaš Agnete Johnsen ii dattetge sáhte Márkomennui boahtit čuojahit. Ággan leat persovnnalaš áššiid dihte.
Golbma vahku ovdal Márkomeanufestivála, de dieđiha beakkálmas Unjárgalaš, Agnete Johnsen, ahte ii sáhte liikká čuojahit festiválas.
E-poasttas son čállá festiválii ahte ii sáhte čuojahit persovnnalaš sivaid geažil.
Valkeapää boahtá
Márkomeanu festiválajođiheaddji, Marita Eilertsen, lea su ovdii viežžan Niko Valkeapää čuojahit.
– Dieđus lea váivves diehtu oažžut, muhto mii hui illudit vuosehit Niko Valkeapää min festiválagussiide, lohká festiválajođiheaddji Eilertsen.
Niko Valkeapää lea bajásšaddan Heahtás Davvi-Suomas, guovlu mas lea rádji sihke Norgii ja Ruŧŧii.
Lei vuosttaš geardde lávddis 7-jahkásažžan, ovttas etniinis ja ristáhčiinis Nils Aslak Valkeapääin.
Spellemann bálkkašumi vuoiti
Son vuittii Sámi Grand Prix 1994:s ja 1995:s ja almmuhii iežas vuosttaš skearru 2003:s – man ovddas vuittii Spellemann bálkkašumi rabas luohkás.
Dán maŋŋil lea almmuhan vel vihtta skearru.
Niko Valkeapää lea ožžon máŋga bálkkašumi ja lea čuojahan festiválain miehtá máilmmis.
