Mánnodateahkeda báhččui guovža Storfjellet nammasaš guovllus.
Guovža gávdnui guovllus gos lei boares sávzarábbi ja ohcamis adnui maid meahccekámera, dieđiha vahátbáhčinjođiheaddji Kristian Hanstad NRK:i.
– Mii čohkkiimet bivdojoavkku ja daid beatnagiid mat mis leat. Veaháš maŋŋelaš bođii guovža njuolga dan guvlui gos leimmet, ja nu dat báhččui. Mis lei lihkku, dadjá Hanstad,
Romssa ja Finnmárkku Stáhtahálddašeaddji lea addán lobi báhčit golbma guovžža mat leat speadjan sávzačorragiid Romssas. Báhčinlohpi guoská ovtta guvžii mii lea vánddardan guhkás eret hálddašanguovllus Rivttáin, ja guokte guovžža Beardus. Báhčinlohpi Beardus guoská maid Čoarvenjárgga ja Siellat guvlui.
Guovža mii báhččui mánnodateahkeda Beardus dettii 83 kilo.
