«Diet almmái ii hála das maidege» girjji leat sii čállán geat oasálaste Čális fal! 2 girječállioahpus 2017 – 2019.
Sámi Girječálliid Searvi (SGS), Sámi dáiddáráđđi (SDR) ja Sámediggi leat ovttas jođihan Čális fal 2 girječállioahpu. «Diet almmái ii hála das maidege» girjji leat sii čállán geat oasálaste Čális fal! 2 girječállioahpus 2017 – 2019. Girji heive sihke nuoraide ja ollesolbmuide. Lea čoakkáldat mas leat noveallat, oassi románas ja divttat, čállá SGS preassadieđáhusa bokte.
Dat čiežas geat leat oasálastán ođđa girjjis leat:
Risten Biret Elle Eira, son lea čállán «Leat han mii luonddu sogalaččat», Marianne Siri «Meassut lahkone ilgadis johtilit, ja nu olu bargu mus ahte ii lean eará go čohkkát dujiiguin ijaid
beivviid», Ánne Márjá Guttorm Graven «kievkkanis nieiddat nissonolbmot áhkut biergobihttá deaivá láhtti», Marianne Solbakken «Mun viegan bálgá mielde nu jođánit go nagodan, oahpes bálggis muhto dattege nu amas», Inger Elin Marakatt «Háliidan bissehit časkit eret», Sara Kristine Vuolab « Ruškesgeahčastat jorahallá» ja Anne Olli «Lupmalámpá ii šat čuovgga áktánasat, šattai oalle heittot. Hilmár ii oainne šat
nu bures luotta maid vázzá».