Boahtte jagi eai beasa guolásteaddjit bivdit seamma olu gonagasreappáid go dán jagi
Varris gonagasreappá earri oainnat njiedjá 1400 tonnii, mii lea 350 tonna unnit go 2018:s.
– Maŋimuš jagiid leat bivdán olu gonagasreappáid Norggas, muhto dál dadjet dutkit ahte jus joatkit ná stuora eriiguin, de leat dás stuora váikkuhusat gonagasreabbánállái, dadjá guolástusministtar Harald T. Nesvik preassadieđáhusas.
Bissu
Njiŋŋelas gonagasreabbáearri gal bissu nu go dál.
Lea ain lohpi bivdit 100 tonna njiŋŋelasaid 2019:s, muhto dain ferte unnimusat 130 mm guhkkosaš olggoš.
Seamma gáibádus guoská varrisreappáide.
Ođđa bivdoearit gullet Finnmárkku riddui mii lea nuortabealde 26°.
