Sámi čuovgagovva ja -filbmadáiddár Márja Helander oažžu 22 000 eurosaš bálkkašumi. Bálkkašumi geige Suoma kulturministtar Hanna Kosonen Helanderii ja ovcci eará Suoma dáiddárii.
Marja Helander lea dáidaga bokte dutkan earret eará iežas Suoma ja Sámi identitehta. Son lea maid filbmabagadalli. Suoma oahpahus- ja kulturministeriija čállá duogášággan juollodeapmái Helandera dáidaga birra:
«MarjaHelander bargá riikkaidgaskasaš lávddis earenoamážit oanehisfilmmaid bagadallin. Su dovdet maiddái álbmotaktivistan, guhte bealušta vehádagaid ja álgoálbmogiid áššiid» ákkastallamis čuožžu.
Dán bálkkašumi lea Suoma Oahpahus- ja kulturministeriija addán 1993 rájes.
Nu čállá Yle Sápmi iežaset neahttasiddus.