Geahččit besset gullat olu čeahpes sámegielat taleanttaid dain dovddus ja oahpes rollain maid mii buohkat dovdat Frozen-filmma rájes.
– Lea hirbmat stuora gudni munnje go lean ožžon Elsa-rolla. Mun lean barggu váldán hui duođalaččat ja vuollegašvuođain, ja lean mearehis rámis leat oassin sámi Jikŋon 2 filmma neavttárveagas, dadjá Marianne Pentha, gii neaktá Elsa sámegielveršuvnnas.
Jikŋon 2 sámi neavttárat:
Anna – Elin Kristina Oskal
Olaf – Anders Rimpi,
Kristoff – Vegard Bjørsmo,
Jelena – Mari Boine,
Dronnet Iduna – Eva Jeanette Iversen,
Leutnánta Mattias – Mikkel Gaup,
Ánne-Máret (Honeymarin) – Ánne Mággá Wigelius,
Nuorra Elsa – Neda Margrethe Labba,
Nuorra Anna – Ella Márge P. Nutti
Miehtá filmma, sihke originála ja dubbejuvvon veršuvnnas, gulat Aurora, Jietna nammasaš rollas.
Bagadalli ja jorgaleaddjit
Bagadalli – Sara Margrethe Oskal
Jorgaleaddji – Berit Margrethe Oskal
Lyrihkalaš jorgaleaddjit – Ailu Valle, Sara Margrethe Oskal, Cathrine Bang Norum
Geahča oasáža filmmas mii lea dubbejuvvon sámegillii:
Sámegieltrailer almmuhuvvo skábmamánu 22. beaivvi 2019.
Filmma sámegielveršuvdna lea Sámi Parlamentáralaš Ráđi (SPR), Sámiráđi ja Walt Disney Animation Studios ovttasbarggu boađus, mas Jikŋon 2 filbmadahkkit leat ráđđádallan sámi verddejoavkkuin áššiid dáfus filmmas maidda leat ožžon inspirašuvnna iežaset mátkkis
Frozen 2 lea vuosttaš kinos almmuhuvvon animašuvdnafilbma goassege mii lea dubbejuvvon davvisámegillii.
Jikŋon 2 lea filmma sámegiel namma, ja almmuhanbeaivi lea juovlamánu 25. beaivvi.