John Arild Siri Guovdageainnus gávnnai niranasa iežas beatnagis mannan sotnabeaivvi.
John Arild Siri Guovdageainnus gávnnai niranasa iežas beatnagis mannan sotnabeaivvi.
John Arild Siri Ákšomuotkkis Guovdageainnus muitala son fuomášii sotnabeaivvi dát divri lei darvánan beatnaga náhkkái. Su beana lei oainnat skierbmugoahtán.
– Álgen vihkut go beana orui nu šlundi ja skierbmu. Álgen geahččat leago bávččagahtten juolggi, ja fuomášin lađđasa bajábealde lea dát divri náhkis, muitala Siri.
Priváhtagovva
Oaivi bázii liikki sisa
Son muitala ahte vehá jierásnuvai, ja doamihii pinseahtain gaikkihit olggos dan divrri, muhto ii ožžon dađi bahábut buot olggos.
– Mun oidnen gal dat lei dat divri, muhto in diehtán nu sihkkarit movt dan galgá váldit eret. Gaikkihin, ja oaivi das bázii liikki vuollái. Easkka maŋŋel lean neahtas lohkan movt dan galgá gálgat eret go darvána.
– Ovtta sajes oidnoje rávveme vuoidalit oljju dakko ja dego ruvvet dan olggos. Muhto in mun gal dieđe nu sihkkarit, muitala son.
Bivddii muitalit
Su oabbá lei riŋgen de šibitdoaktárii, gii fas lei lohkan dat almma buorrána ieš. Šibitdoavttir bivddii maid váldit oktavuođa báikkálaš mediain vai olbmot dihtet ahte dat divri lea ollen maid Sis-Finnmárkui.
Dál oaidná John Arild ahte beatnaga juolgi lea vehá bohtanan.
– Dat orru bohtanan. Ferten oaidnit movt ain galggan dahkat jus ii buorrán, dadjá Siri.
