Politiijat ohcet dievddu gean navdet duššan.
Politiijat ohcet dievddu gean navdet duššan.
Oarje-Finnmárkku politiijat ožžo dieđu lahppon olbmo birra kvártta váile guovttis ovddit ija.
– Vihtan guhte lea leamaš jávregáttis, lea fuobmán gopmánan fatnasa. Stevvelat ja dievddu beana mii lei čatnon murrii, maid gávdnoje jávregáttis, lohká Lars Jørgen Kleven Oarje-Finnmárkku politiijaguovllus.
Dievdu gean ohcet lea Ukrainalaš stáhtaborgár.
– Sihke buollinčáskadeaddjit, ambulánsa ja politiijat leat ohcame, seammás go Seaking-helikopter maid lea girdán, muhto dál lea loahpahuvvon, lohka Kleven.
Politiijat leat leamaš báikkis iskkame ášši. Earenomažit gos fanas ja stevvelat leat gávdnon.
– Fertet gávdnat eambbo dieđuid jávrri birra ovdal álgit ohcat eambbo čázii vuolde, muitala Anders Bjørk Olsen Oarje-Finnmárkku politiijaguovllus.
Dán dieđiha NRK Sápmi ja iFinnmark.
Dievdu lea jávkan badjel jándora, ii ge leat vel gávdnon. Dál áigot ohcagoahtit čázi vuolde ROV nammasaš gáiddusstivren čázevulošreaidduin.
Politiijat navdet dievddu duššan.
– Leat loahpahan gádjunakšuvnna, eat ge oza šat olbmo gii lea heakkas. Dál lea dilli rievdan, ja dál ohcat olbmo maid navdit duššan, dieđiha Oarje-Finnmárkku doaimmahusjođiheaddji Asgeir Aule.
Odne dii.12 ohcagohtet Suolojávrris.
