Nu lohká lágideaddji norggameášttirgilvvuid birra heargevuodjimis, mat leat Romssa gávpogis sotnabeaivvi.
Nu lohká lágideaddji norggameášttirgilvvuid birra heargevuodjimis, mat leat Romssa gávpogis sotnabeaivvi.
Sámi valáštallanlihtu (SVL) lágida gilvvuid, ja heargelávdegotti jođiheaddji Anders Nils K. Eira sii leat bures ráhkanan ja buot lea sajis dassái gilvvut álget.
Bovden guokte
Gilvvuide leat gávcci hearggi beassan mielde.
– Leat guhta SVL hearggi ja guokte Sámi hearggevuoddjinlihtu (SHL) mielde. Mii lávet bovdet guokte SHL hearggi juohke jagi, ja dán jagi lea diimma Karasprinten vuoitti «Suiva» mielde, lohká Eira.
Ollu olbmot
Eira lohká Romssa gilvvut leat erenoamážat go doppe leat nu ollu geahččit, ja seammas álgá maid dán dálvvi heargegilvoáigodat.
– Romssás leat veahá eará gilvvut go dat maid mii dábálaččat lágidit doppe ruovttus meahcis, lohká son.
Oiddohat
Eira ii hálit einnostit nu bearehaga oiddohiid, go lea jođiheaddji lávdegottis ja nu galggašii leat bealákeahttes, muhto lohka:
– Dáppe leat ollu garra hearggit mielde ja lea garra, ja hearggis fertege veaháš oaivegaskkas go gávpogis lávejit maŋga duháha olbmo geahččame. Jahkan lea ovdamunni jus lea ovdal leamaš mielde doppe. Dieđusge jus geahčča diimma bohtosiid de lea «Ingrid Luostat», mii diibma vuitti Romssas, ja maid «Suiva», mii vuitti Karasprintena, lohká son.
