Eai Oarje-Finnmárkkus ge lean olu dáhpáhusat, muhto veahkaválddálašvuohta gal lea leamaš.
Eai Oarje-Finnmárkkus ge lean olu dáhpáhusat, muhto veahkaválddálašvuohta gal lea leamaš.
Lávvardatidja lei beanta jaskat maiddái Oarje-Finnmárkkus go geahččá politiijalogga.
Njealjis váidon go leat sevnnjodahttán glásaid
Beal njealjis iđđesija, dieđihedje politiijat ahte leat váidán njeallje biilavuoddji Álttás go vudje biillaiguin main ledje sevnnjodahtton siidoglásat.
– Buohkaide boahtá sáhku ja dasa lassin fertejit váldit eret plastihka mainna leat sevnnjodahttán glásaid, čállet politiijat.
Doarrun guovdo Álttá
Dakka maŋŋil, diibmu 03.35, dieđihedje politiijat ahte muhtin olmmoš Álttás, lea váidon go lea huškkastan eará olbmo. Dát dáhpáhuvai guovdo Álttá gávpotguovddáža.
– Navdojuvvon vearrodahkki lea gohččojuvvon guođđit guovddáža, čállet politiijat.
Váđđulii vuollaglásain
Diibmu 03.39 dieđihedje ges politiijat ahte muhtin nisu váido go lea huškkastan muhtin albmá vuollaglásain. Dát dáhpáhuvai ges muhtin olgobáikkis Álttás.
Feastariedja
Iđđesija, diibmu 05.16 šadde ges politiijat fitnat muhtin priváhtastobus Álttás. Sii ledje ožžon dieđu ahte doppe lei feastariedja.
– Politiijat fitne báikkis ja gohččo olbmuid jaskkodit.
