Buohkat, geat leat vuollel 30 jagi boarrásat ja ožžot sosiáladoarjaga, šaddet dál čađahit doaimmaid dahje bargguid vai ožžot ruđa ođđajagi rájes.
Buohkat, geat leat vuollel 30 jagi boarrásat ja ožžot sosiáladoarjaga, šaddet dál čađahit doaimmaid dahje bargguid vai ožžot ruđa ođđajagi rájes.
Stáhtabušehttii biddjo 60 miljovnna ruvnno dán ulbmilii boahtte jahkái.
– Mii álggahit dán doaimma veahkehan dihte eambbogiid birget ruđalaččat. Suohkaniin gos dákkár doaimmat leat jođus leat erenoamáš duhtavaččat doaimma ovddas. Ollugat besset eret oadjoruđain ja álget bargui, muitala bargo- ja sosiálaministtar Anniken Hauglie NTB:ii.
Seamma doaibma miehtá riikka
Dál válljejit suohkanat áigot go gáibidit doaibmangeatnegasvuođa. Boahtte jagi rájes galgá seamma geatnegasvuohta leat miehtá riikka.
– Sii geat eai áiggo bargat dahje leat mielde doaimmain, sáhttet gessojuvvot sosiáladoarjagis oasi, muitala Hauglie.
60 miljovnna maid ráđđehus várre stáhtabušehttii, galgá mannat suohkaniidda vai nákcejit čađahit ortnega. (©NTB)