Olusat oidne Dáloniid Listu Sámedikki áirasa Isak Mathis O. Hætta / Issána čohkkámin gitta čalmmiiguin Sámedikki dievasčoahkkimis go raporta «Veahkaválddálašvuohta lagas oktavuođain sámi guovlluin» almmuhuvvui. – Vuoiŋŋastahtten dušše čalmmiid, lohká son.
Olusat oidne Dáloniid Listu Sámedikki áirasa Isak Mathis O. Hætta / Issána čohkkámin gitta čalmmiiguin Sámedikki dievasčoahkkimis go raporta «Veahkaválddálašvuohta lagas oktavuođain sámi guovlluin» almmuhuvvui. – Vuoiŋŋastahtten dušše čalmmiid, lohká son.
Njukčamánu gávccát beaivvi almmuhii Sámediggi ja Justiisa- ja gearggusvuođa departemeantta raporta «Veahkaválddálašvuohta lagaš oktavuođain sámi guovlluin nu mo veahkebálvalusat ja politiijat vásihit» Sámedikki dievasčoahkkimis. Ii dušše Ávvira doaimmaheddjiguovttos, muhto olusat, oidne Dáloniid Listu Sámedikki áirasa Isak Mathis O. Hætta / Issána čohkkámin gitta čalmmiiguin áirasa stuolus dan tiimma go raportta almmuheapmi bisttii.
– Vuoiŋŋastahtten dušše čalmmiid. In oađđán, bidjen dušše čalmmiid gitta veaháš, čuvvon gal mielde visot dan almmuheami, čilge Dáloniid Listu Sámedikki áirasa Isak Mathis O. Hætta / Issán maŋŋá.
Oahpes ášši
– Ii leat dat ahte in beroštan dan raporttas, muhto diet lea gal ieš alddis oahpes ášši, lohká Isak Mathis O. Hætta / Issán ja čujuha guovddáš sámi guvlui nu go Divttasvutnii ja maid boazodollui.
– Dieđusge dát lea maid dieinna lágiin ahte dan birra ii sáhte hupmat Sámis, dan mii gal leat diehtán čađat. Sogaid ektui, billistit soga ovddas ja billistit dan lagasvuođa birra. Olgguštuvvo hui jođánit, joatká Isak Mathis O. Hætta / Issán.
Jienasteddjiid duohken
Sámedikke áirasat Norgga Sámiid Riikkasearvvi (NSR) áirras, Silje Karine Muotka, muitala ii leat bággu áirasis leat dievasčoahkkinlanjas jus lea fágaseminára nu mo lei dán háve, sáhttá leat joavkolanjas. Muhto mus ii leat olus dadjamuš dása.
– Lea su duohken mo hálddaša su almmolaš rolla Sámedikke áirrasin. Mun oaivvildan dá livčče dakkár duođalaš fáddá masa livčče buorre jus áirras čájehivčče beroštumi. Dán ferte son ieš vástidit mo ja maid son oaivvilda dákkár láhtenvuogi birra. Govas oaidná buohkaide čuhce muitalusat maid sii gulle sárdnestuolus. Lea su duohken ja jienasteddjiid duohken geat su lea válljen, lohká Silje Karine Muotka.
Sámedikke presideanta Vibeke Larsen lohká son ii hálit tulkot gova heajus guvlui.
– In sáhte lohkat leago son guldaleamen vai oađđimin, lohká Vibeke Larsen, iige hálit dasa eanet jienádit.
