«Arctic Superstar» dokumentárafilbma lea nammaduvvon bálkkašumi oažžut «Gullrutenis».
«Arctic Superstar» dokumentárafilbma lea nammaduvvon bálkkašumi oažžut «Gullrutenis».
Arctic Superstar lea dokumentárafilbma Máze ráppára, SlinCraze, Nils Rune Utsi birra, gii nuoraidskuvllas givssiduvvui.
Dat bovttii sus beroštumi lávlagiid ráhkadit.
Son álggii de rappet, ja dainna son lea dál šaddan okta dain artisttain Sámis gii lea eanemus dovddus.
Nammaduvvon
Utsi dokumentára lea nammaduvvon Norgga TV-suorggi iežas gilvui, buoremus TV-dokumentáran.
Gullruten lea gos buohkat TV- ja filbmasuorggis deaivvadit ja gilvalit iešguđet ge suorggis.
Bálkkášumi ožžon
Arctic Superstar lea ožžon olu rámi, ja lea maid dovddus dál olles Eurohpás, go lea johtán festiválas festiválii.
Earret eará vuoitán bálkkašumi Filbma- ja TV-festiválas «Northern Character», mii lágiduvvui ovccát geardde Murmanskas, Ruoššas.
Doppe vuittii filbmadahkki, Simen Braathen, «buoremus dokumentárdebut» dainna dokumentárain.