Janne Eilen Mienna Guttorm ovddasta Árja Ávjovári válgabiirres dán čavčča Sámediggeválggain. Son válljii Árja danin go liiko daid áššiid maid bellodat ovddasta.
Váibmoáššit
Giella lea hui dehálaš Jannii. Sutnje lea dehálaš ahte nuorat besset oahppat sámegiela guovlluin, gos sámegiella ii soaitte leamen nu guovddážis. Su mielas lea maiddái dehálaš gáhttet giela guovddáš sámi sajiin, ovdamearkka dihtii siskkit Finnmárkkus, muhto maiddái eará sámi báikkiin.
Mediaovttasbargu
NRK Sápmi ja Ávvir leat ásahan doaimmahuslaš ovttasbarggu gos earret eará nuorra journalisttat jearahit nuorra politihkkárkandidáhtaid.
Mii leat humadan kandidáhtaiguin geat čavčča rájes sáhttet leat mielde váikkuheamen sámepolitihka.