Vuollegis viessoloatnareanttut ja buorideapmi Norgga ekonomiijas sáhttá nannet viessohattiid. NBBL ođđa rapporta čájeha ahte viessohattit sáhttet jorggihit juo boahtte jagi.
Vuollegis viessoloatnareanttut ja buorideapmi Norgga ekonomiijas sáhttá nannet viessohattiid. NBBL ođđa rapporta čájeha ahte viessohattit sáhttet jorggihit juo boahtte jagi.
Oanehit áiggis lea goit ge eahpádus njidjet go viessohattit. Olu viesut huksejuvvojit, álbmotlohku lassáneapmi ii leat lihka garas ja viessoloatna láhkačálus váikkuhit. Dan dieđiha viessohuksensearvi Norsk Boligbyggelag (NBBL) preassadieđáhusas.
– Ii sáhte diehtit guhká boahtá bistut, muhto go eanet ja eanet viesut leat vuovdemassi, de ii sáhte báljo eará boađus go ahte viessohattit njidjet, lohká NBBL seniorráđđeaddi Christian Frengstad Bjerknes.
Ii jáhke bissut seamma dásis
Olusat vurdet ahte viessohattit bohtet bissut seamma dásis boahttevaš jagiid. Dan ii jáhke Bjerknes.
– Historjjálaččat ii leat dat jáhkehahtti. Viessohattit lassánit eambbo go dábálaš haddegoargŋun, dahje jo njidjet. Ii leat dábálaš ahte viessohattit bissot seamma dásis guhkit áiggi.
Vaikke ii leat álki einnostit dán márkana, de vuordá son goit ge haddelassáneami boahtte jagi.
– Norgga ekonomiija lea buorránan, ja leat erenoamáš vuollegis viessoloatnareanttut. Dat buktá doaivaga ahte haddenjiedjan ii bistte guhka, lohká son.
