Dat čielggai duorastaga maŋŋit eahkedis.
Durkka parlameanta lea dohkkehan Suoma NATO-miellahttun, dieđiha Yle Sápmi.
Durka lea leamaš maŋimuš riika mii galggai meannudit Suoma NATO-miellahttuvuođa.
NATO generálačálli Jens Stoltenberg čálii ikte eahkedis, njukčamánu 30. beaivvi, ieža Twitteris maŋŋá go oaččui ođđasiid Suoma ohcamuša ektui ahte Suoma miellahttuvuođa ratifiseren dahká NATO-joavkku gievrrabun.
Maŋŋá go Ruošša fallehii Ukraina diibmá, de Suopma mearridii ohcat NATO-miellahttuvuođa. Proseassa ii lean álki go galge ge buot 30 NATO-riikka parlameantta ratifiseret miellahttuvuođa ohcama.
