Davvi-Ruoŧas politiijat dieđihit ahte sii leat váldán gitta nissona gii navdo roavvát huškon dievddu.
Lei bearjadaga go politiijat válde nissona gažadeapmái. Son navdo roavvát huškon dievddu geainna sus lea lagaš oktavuohta, dieđihit Norrbottena politiijat.
Navdojuvvon veahkaválddálašvuohta galgá dáhpáhuvvan bearjadaga.
– Son lea navdojuvvon čađahan roavva veahkaválddálašvuođa. Áššeguoddi galgá maŋŋel gažadeami mearridit galgá go son váldot giddagassii dehe luitojuvvot friddjavuhtii, dadjá Maria Linné, Norrbottena politiijas.
Politiija ii háliit muitalit gos dáhpáhus lea geavvan earet go ahte lea Davvi-Lapplándda politiijaguovllus gosa gullet Johkamohki, Girona ja Jiellevári gielda.
