Mannan vahku rahppui fylkkageaidnu 98, logi mánu ovdal áigemeari.
Fylkaráđđi Ágnete Masternes Hanssen, geas lea johtolatovddasvástádus, rabai fylkkageainnu 98 Čoalluvuotna-Ráttovuotna, Deanu gielddas, gaskavahku golggotmánu 26.beaivvi, čállá fylkkagieldda preassadieđáhusas.
– Geaidnu ja johtolatsihkarvuohta lea sakka buoriduvvon, logai duhtavaš fylkaráđđi Agnete Masternes Hanssen almmolaš rahpandoaluin. Son giittii buohkaid geat leat bargan geainnuin, erenomážit geavaheddjiid ja ássiid, go leat leamašan gierdevaččat ja leamaš áddejupmi.
10 kilomehtera guhkes bihttá
Fylkkagielda lea ovttasbargan Anlegg Nord AS:in geaidnobihtáin gaskal Čoalluvuona-Ráttovuona guokte jagi, golggotmánu 2020:s gitta golggotmánu 2022:i. Lea sullii 10 km gaska mii lea buoriduvvon, ja plánaid mielde de livččii galgan diet gaska válmmaštuvvot borgemánnui 2023.
.