Biilavuoddjis ledje dan mađe máŋga čuoggá biilavuodjinkoarttas ahte ii gierdan rihkkut leaktorájá.
Finnmárkku politiijat dieđihit ahte čađahedje leahttobearráigeahču Heammogiettis, Guovdageainnus, mannan vuossárgga.
– Muhtin biilavuoddji vujii 93 kilomehtera diimmus ja sáhkohalai dan geažil, čállet politiijat Twitteris.
Báikkis lea leaktomearri 70 kilomehtera diimmus.
Muhtin eará biilavuoddji maid rihkkui leaktomeari ja massii biilavuodjinlobi.
– Badjel 20-jahkásaš dievdu vujii 86 kilomehtera diimmus, ja massii biilavuodjinkoartta danin go gárte menddo olu čuoggát vuodjenkortii.