80-jahkásaš demeansabuohcci almmái lea láhppon Sieiddás Deanus.
80-jahkásaš almmái lea láhppon Deanus ja son lea jávkan iežas ruovttus. Finnmárkku politiijat dieđihit ahte Sea King ja Norgga gádjunbeatnagat leat ohcamin albmá.
Mannan ija ledje maiddái Rukses ruossa, Siviilasuodjalus, buollinčáskadeaddjit, SNO ja eaktodáhtolaččat ohcamin albmá Deanus.
IFinnmark dieđiha ahte ruovttubuohccedivššárat dieđihedje albmá láhppon, go ii lean ruovttus. Son lea maiddái dieđihuvvon leat demeansabuohcci. Albmás lea alit jáhkka badjelis ja son lea maiddái lášmat.
Dieđit politiijade jus leat oaidnán albmá.
