-Almmuhus-
-Almmuhus-
OĐĐASAT60 gillájeaddji neahttarohcošanáššis

60 gillájeaddji neahttarohcošanáššis

-

-

Politiijat oaivvildit ahte muhtin Romssa dievdu, gii lea badjel 20-jahkásaš, galgá rohcošan birrasii 60 mánáin neahta bokte. Son lea maid áššáiduhtton go galgá fysalaččat rohcošan máŋggain mánáin.

Politiijaid dieđuid mielde dáhpáhuvve eanaš rohcošeamit 2014-2016 áigodagas, ja dan áiggis ledje gillájeaddjit gaskal 12 ja 15 jagi boarrásat.

Eatnasat mánáin leat Romssas eret, muhto leat maid dutkan ášši go muhtin gillájeaddjit orrot eará báikkiin Norggas.

 

Ášši viidu dađistaga

– Dán rádjái leat gávdnan ja gažadan birrasii 60 gillájeaddji, ja politiija bargá ain viidáset analyseret dihtorduoguštusaid. Ášši viidu dađistaga go dutkan ovdána, dieđiha Romssa politiijaguovllu politiijaadvokáhtta Elin Norgård Strand.

Áššáiduhtton dievdu lea leamaš giddagasas njukčamánu rájes, go politiijat álggahedje dutkama áššis. (©NTB)

-Almmuhus-