Ráđđehus oaidná dárbbu nannet Divvun-bálvalusa doaimmaid.
Divvun, mii lea UiT Norgga árktalaš universitehta iežas ásahus, ovddida ja jođiha teknologalaš giellareaidduid sámegielaid várás. Ođđaáigásaš giellateknologiija lea dehálaš vai sámegiella galgá ceavzit geavahusgiellan dálá servodagas.
Divvun-bálvalusaid geavaheami lassáneami geažil ja teknihkalaš divodandárbbuid geažil, de oaivvilda ráđđehus dárbbu nannet Divvun-doaimma.
– Lea maid dárbu nannet Divvuma ovddidanbarggu, vai Divvun sáhttá jođihit barggu ođđa giellareaidduid ovddidemiin, ja viidáseappot ovddidit dálá giellareaidduid, čállá ráđđehus čilgehusas.
Stáhtabušeahtas evttohuvvo ahte lokten lassána 4,4 miljovnnain ruvnnuin. Oktiibuot evttohuvvo ahte Divvumii juolluduvvo 12,9 miljon ruvnno 2024 stáhtabušeahtas.
