Boahtte dálvvi leat fas Arctic Winter Games dálveriemut, SVL lea dál almmuhan álgojoavkku, geat fas galget gilvalit beassat loahpalaš jovkui fárrui.
Boahtte dálvvi leat fas Arctic Winter Games dálveriemut, SVL lea dál almmuhan álgojoavkku, geat fas galget gilvalit beassat loahpalaš jovkui fárrui.
33 nuorra čuoigi leat dál ožžon dieđu ahte soitet beassat Sámi ovddastit Arctic Winter Games dálveriemuin Kanadas boahtte dálvvi. Sámiid Valáštallan Lihttu lea Sámemeašttir gilvvuid falimus čuigiid válljen, ja sii gilvalit 24 saji alde.
Nuorat galget dál geasi ja čavčča hárjehallat, vai besset čakčat ja skábman čájehit ahte ánssášit saji Sámi jovkui.
– Fertejit hárjehallat
Leat golbma ahkeluohká, goabbat sohkabeliin, ja oktiibuot guhtta luohká. Juohke luohkás besset njealjis gilvvuide.
– Dál fertejit čuoigat ja hárjehallat, ja leahkit buori vuoimmis go hárjehallandeaivvadeamit leat čakčat. Mii oaidnit fargga geat leat hárjehallan ja leat go dan dásis go ledje Sámemeašttirgilvvuin, lohká SVL jođiheaddji Kåre Olli.
Son čilge ahte ovdal lea leamaš nu ahte sii geat leat válljejuvvon mielde jovkui, muhtumin eai leat šat dađi eambbo hárjehallan. Danne SVL almmuha vuos álgojoavkku, geain fas válljejit unnit joavkku geat besset mielde árktalaš gilvvuide.
Deaivvadeamit čakčat
Čakčat, dalle go áin lea bievla, lágida SVL hárjehallandeaivvadeami Heahtás. Skábmamánus fas Ylläsis, gos loahpalaččat mearridit geat besset jovkui. Lea nuoraid duohken hárjehallat vai čuoigandeaivvademiin Heahtás ja Ylläsis sáhttet čájehit ahte berrejit leahkit mielde.
Olli lohká álgojoavku lea buorre joavku, ja leat muhtun ođđa namat.
– Leat maid olu seamma namat geat leat hui áŋgirat čuoigat, lohká Olli.
AWG gilvvuin leat olu valáštallansuorggit, Sápmi searvá čuoigamii ja spábbačiekčamii. Spábbačiekčanjoavku almmuhuvvo dalle go loahpalaš čuoiganjoavku maid almmuhuvvo.
Álgojoavku, ovdal go SVL loahpalaččat mearrida:
Nieiddažat 2004-2005
Emili Portti, Anárasáme searvi
Tomina Ripa, Idre Sameby
Helene Solum, Fjell skilag
Madeleine Øvrevoll, Fjell Skilag
Bártnážat 2004-2005
Petter Dervola, Deanu searat
Helge Ims, Fjell skilag
Vetle Mathiesen Knutsen, Innstranden IL
Iver Trude Petterson, IL ILAR
Jon Aslak Sara, IL Nordlys
Vetle Njarga Øien, Deanu Searat
Nieiddažat 2002-2003
Anna Andreassen, Fjell skilag
Christine Elise Blind, IL Vinger
Irja Bransfjell, Ruvhten sijte
Ánne Kátjá Heiberg, Deanu searat
Ina Nylŧnd, Fjell skilag
Elen Kristine Petterson, IL ILAR
Katrine Tovås, Fjell skilag
Bártnážat 2002-2003
Piera-Ovla Bransfjell, Sør Trøndelag og Hedemark reinbeitelag
Henda Dikkanen Margit, IL ILAR
Johan Áilo Eira, Maze IL
Sverre Hansen, Fjell skilag
Julius Riel-Saua, IL ILAR
Gabinus Ripa, Idre sameby
Nieiddažat 2000-2001
Oda Andreassen, Fjell skilag
Kirsten Emilie Myklevoll, Fjell skilag
Hilla Portti, Anára sáme searvi
Vilma Rytky, Anara same searvi
Ida Tovås, Fjell skilag
Bártnážat 2000-2001
Aslak Mikkel Bals, Kautokeino IL
Jens Johan Brekke, IL STIL
Elias Mathiesen Knutsen, Innstranden IL
Antti Olav Rytki, Anára sáme searvi
Marcus Åshovd, Fjell skilag