«Fritt Ord» lea dorjon guhtta ohcamuša girjerádjosiin Finnmárkkus, 50 000 ruvnna guhttiige ja dat lea ođđa olahus.
«Fritt Ord» lea dorjon guhtta ohcamuša girjerádjosiin Finnmárkkus, 50 000 ruvnna guhttiige ja dat lea ođđa olahus.
Prošeavttas «Finnmárkkugirjerádjosat», maid Finnmárkku fylkagirjerájus lea álggahan, lea fokus ovttasbarggus ja eanet doaimmat girjárádjosiin.
– Dat lea buktán eanet ohcamušaid liigedoarjagiidda ja mii leat hui rámis maid girjerádjosat nákcejit, lohká fylkagirjerádjosa hoavda Heikki Knutsen.
Dat guhtta doaimma mat leat ožžon doarjaga leat:
«Giellaidentitehta ja máŋggagielatvuohta davvin», Davvinjárgga, Muosát, Láhppi ja Fálesnuori Girjerádjosat.
«Leago sámi giella ja kultuvra ealihanveara?», Áltá girjerájus.
«Rájatkeahtes Davvi» Girjebusse Kárášjohka, Ohcejohka ja Porsáŋgu.
«Ávkkuha go maidege maid mun dajan» Hammerfeasta girjerájus ja Gáŋgaviika álbmotgirjerájus.
«Kvenalaš giđđa» Porsáŋggu girjerájus
«Suopmu máŋggagielat Várjjagis» Čáhcesullo girjerájus, Unjárgga girjerájus ja Girjebusse Deanus ja Unjárggas.
Áibbas dárbu doarjagiidda
– Girjerádjosat dárbbašit olggobealde ruhtademiid olahit otná gáibádusaid doaimmaide, go suohkanlaš girjerájus bušeahtat ovttat ládje čuhppojuvvot. Dál šaddet lihkus ollu doaimmat, dán jagi ja boahtte jagi. Jagi 2014 ja 2015 lassánedje doaimmat girjerádjosiin 40 proseantta ja mii sávvat vel eanet, lohká Knutsen.
