-Almmuhus-
-Almmuhus-
MAGASIIDNA Muitala noaidda­stallama birra

Muitala noaidda­stallama birra

-

-

Historihkkár Rune Blix Hagen áigu muitalit sámi noiddiid birra ja čalmmustahttit noaidevuođaáššáskuhttima birra.

Rune Blix Hagen logaldallá Álttá girjerádjosis, duorastateahkeda diibmu 18:00, sámi noaiddástallama birra ja movt noaiddit leat steavliduvvon.

Hagen lea historihkkár ja logaldalli ja son áigu muitalit olbmuide dán fáttá birra.

Hagena mielas lea dehálaš oažžut dán oasi historjjás oidnosii, go dat ii leat nu oahpis olbmuide.

– Dát historjá ii leat nu oahpis olbmuide, ja dát noaiddástallan proseassa lea váikkuhan maiddái riddoálbmoga nissonolbmuid. 

Movt váikkuhan sápmelaččaide

Son muitala maid ahte lea stuorra beroštupmi oaidnit movt dát lea váikkuhan sámiide maiddái.

– Go fallehedje sámi guovlluid, de vuhtto ahte lei ekonomalaš ja politihkalaš duogáš das. 

Hagen muitala viidáseappo ahte go sápmelaččat vuosttaldedje dán sisabahkkema de gohčodedje dán proseassa demonisering ja proseassa oaččui noaidevuođaáššáskuhttin duomu. 

– Lea miellagiddevaš oaidnit dán ášši politihkalaš ja ekonomiija perspektiivvas. Dát lea geavvan dan áigodagas go Dánmárku ja Norgga geahččaleigga váldit badjelasas sámi vuonaid ja erenomážit daid stuorát vuonaid dego Porsáŋgguvuona ja Álttávuona. 

Sávvá gažaldagaid ja kommentáraid

Hagen muitala ahte son áigu muitalit dán proseassa birra sullii golbma kvártta, ja dat dagaha ahte guldaleddjiide báhcá áigi jearrat gažaldagaid ja addit kommentáraid su logaldallamii. 

– Gažaldagaide ja kommentáraide lea mus hui stuorra beroštupmi, dadjá Hagen. 

Sávvá beroštumi fáddái

Hagen sávvá ahte olbmot bohtet geahččat ja guldalit dán fáttá birra. Logaldallamat maid ovdal lea doallan, leat ožžon positiivvalaš beroštumi.

Individuella perspektiiva

Hagen lasiha vel ahte son boahtá čájehit konkrehtalaš ovdamearkkaid. Son áigu maid dárkileappo geahččat moadde ovdamearkka, nugo sin birra geat dubmehalle nu garrasit noaidevuođaáššáskuhttin duomus ahte boldojuvvoje.

– Áiggun čájehit dárkileappo olbmuid geat dubmehalle nu garrasit noaidevuođaáššáskuhttin duomus ahte boldojuvvoje ja geahččalit muitalit makkár olbmot sii duođai ledje, dadjá Hagen.

- Advertisement -
-Almmuhus-