Ruoŧa beale Sámedikkis lea odne, skábmamánu 22. beaivvi ávvubeaivi. Ruoŧa ráđđehusa ministarat danne čuvvot dievvasčoahkkima mii lea jođus dál.
Ruoŧa kulturministtar Parisia Liljestrand ja eanandoalloministtar Peter Kullgren ovddasteaba ráđđehusa Åres gos lea dievasčoahkkin ja ávvudeapmi.
– 30 jagis lea dáhpáhuvvan olu, das rájes go Sámediggi vuođđuduvvui. Sámekultuvra ja identiteahta lea váldime stuorát saji Ruoŧa kultur- ja servodateallimis. Mun lean ilus go sápmelaččat šaddet bivnnuheabbon nuoraid gaskkas, dadjá kulturministtar Parisa Luljestrand preassadieđu bokte.
– Stuorra iluin sávan lihku Sámediggái 30 jagi vuođđudeamis. Odne mii ávvudit olahusa barggus sámekultuvrra ja servodaga ovdáneami ovdii, lohká eanandoalloministtar Peter Kullgren.
Ruoŧa beale Sámediggi vuođđuduvvui 1993:s.
