Finnmárkkus leat dán rádjai báhčán 179 ealga ealgabivddus, mii lea álgán Guovdageainnus ja Kárášjogas čakčamánu 1. beaivvi. Dán vahkoloahpa vulget vel 1000 olbmo bivdui, go bivdu rahppo maid muđui Finnmárkkus.
Finnmárkkus leat dán rádjai báhčán 179 ealga ealgabivddus, mii lea álgán Guovdageainnus ja Kárášjogas čakčamánu 1. beaivvi. Dán vahkoloahpa vulget vel 1000 olbmo bivdui, go bivdu rahppo maid muđui Finnmárkkus.
Oktiibuot leat lagabui 1800 bivdi 289 bivdojoavkkus sotnabeaivvi rájes leahkit ealgabivddus. 1010 ealgga leat bidjon earrái FeFo eatnamis, ja dasa lassin vel vihtta ealgga priváhta bivdoguovlluin.
Lohkku lassána
Bearjadaga veaigin ledje dieđihuvvon 179 báhččon ealgga, 133 Kárášjogas ja 46 Guovdageainnus.
– Mii vuordit dat lohkku boahtá loktanit sakka loktanit vahkoloahpas, go bohtet čađat bivdorapporttat, lohká meahcástanhálddašeaddji FeFos Anders Aarthun Ims.
Dieđuhuvvon báhččon ealggaid loguid gávnnat dáppe.
Guhkiduvvon bivdoáigi
Guovdageainnus ja Kárášjogas álgá árabut ealgabivdu danne go boazodoallit leat ealuiguin johttime. Dán guovtti suohkanis bistá bivdu olggos čakčamánu, muhto Guovdageainnu orjješlulábeali lea bivdu guhkiduvvon golggotmánu 15. beaivvi rádjai. Eará suohkaniin bistá bivdu olggos golggotmánu.
Merkejuvvon ealggat
FeFo muittuha ahte Nuorta-Finnmárkkus lea 19 ealgga merkejuvvon sáddenrusttegiin go leat mielde NINA dutkanprošeavttas. FeFo doarju dán prošeavtta mas mihttu lea gávnnahit gos ealggat vánddardit.
– Dat lea dehálaš prošeakta Finnmárkui, ja ávžžuhit bivdiid čuovvot dárkilit mielde amas eai báže daid ealggaid, lohká FeFo meahcástanossodaga jođiheaddji Einar J. Asbjørnsen.
